अनलाइनबाटै टिका लगाउ अनलाइन वा फोनबाटनै आशिर्बाद लिऊ : स्वास्थ्य मन्त्रालय


 

काठमान्डौ : नेपालमा कोरोना संक्रमण बढिरहेको भन्दै स्वास्थ्य मन्त्रालयले अनलाइनबाटै टिका लगाउन अनुरोध गरेको छ ।मान्यजनबाट आशिर्बाद लिन धेरै यात्रा नगर्न तथा बुढापाका संग आशिर्बाद अथवा टिका नलगाउन अनुरोध गरेको हो ।

धेरै भि’डभाड मा जम्मा भएर टिका लगाउदा संक्रमण सारेर दु’र्घटना निम्तन सक्ने मन्त्रालयले बताएको छ ।घरमै बसेर घरमै बनेका परिकार खाएर दशैँ मनाउदा आफु पनि ब’च्न सकिने र अरुलाई पनि ब’चाउन सकिने मन्त्रालयले जनाएको छ ।

त्यस्तै नेपालमा पछिलो २४ घन्टामा थप २०५९ जनामा कोरोना संक्रमण पुष्टि भएको छ । स्वास्थ्य मन्त्रालयका प्रबक्ता प्रा डा जागेश्वर गौतमका अनुसार १३२७९ जनामा गरिएको पीसीआर परिक्षणमा थप २०५९ जनालाई पुष्टि भएको हो ।

यस संगै नेपालमा कोरोना संक्रमितको संख्या १ लाख नाघेको छ ।प्रबक्ता गौतमका अनुसार आज देशभरी सक्रिय संक्रमितको संख्या २७०५३ जना रहेको छ। यस अघि हिजो १८४७३ जनामा गरिएको पीसीआर परिक्षणमा एकैदिन ४३६४ जनामा कोरोना संक्रमण पुष्टि भएको थियो ।

प्रबक्ता गौतमका अनुसार कोरोनालाई जितेर पछिलो २४ घन्टामा १६८० जना घर फर्किएका छन् ।प्रबक्ता गौतमका अनुसार कोरोनालाई जितेर घर फर्कनेको संख्या ७३०२३ पुगेको छ । स्वास्थ्य तथा जनसख्या मन्त्रालयका अनुसार पछिलो २४ घन्टामा कोरोना संक्रमण बाट १२ जनाको ज्यान गएको छ ।

मन्त्रालयका अनुसार कोरोना संक्रमणबाट ज्यान गुमाउनेको संख्या ६०० पुगेको छ ।मन्त्रालयका अनुसार आज काठमाडौंमा १ हजार ११६, ललितपुरमा १६३ र भक्तपुरमा १३० जना नयाँ संक्रमित थपिएका छन्।

यो पनि :-

काठमाडौं – यस वर्षको फूलपाती बढाइँ धर्म, संस्कृति र परम्परालाई निरन्तरता दिन सांकेतिकरूपमा मात्र आयोजना गरिने भएको छ । नेपाली सेनाले सैनिक मञ्च टुँडिखेलमा भव्य समारोहको आयोजना गरी फूलपाती बढाइँ हरेक वर्ष हर्षोल्लासका साथ मनाउँदै आएको छ ।

कोभिड–१९ को संक्रमणबाट सिर्जित परिस्थितिका कारण हर्षोल्लासका साथ नभई धर्म, संस्कृति र परम्परालाई जीवन्तता दिन प्रतीकात्मकरूपमा मात्र बढाइँ गरिने सैनिक प्रवक्ता सन्तोषवल्लभ पौडेलले जानकारी दिए । यस वर्ष फूलपाती अगामी कात्तिक ७ गते शुक्रबार परेको छ ।

उनले भने, ‘स्वास्थ्यसम्बन्धी सम्पूर्ण मापदण्ड पूरा गरी हाम्रा मौलिक चाडबाडलाई निरन्तरता दिने उद्देश्यले पहिलाको तुलनामा सांकेतिकरूपमा मात्र बढाइँ कार्यक्रम सञ्चालन गरिने योजना गरेका छौं ।

अघिल्ला वर्षका बढाइँमा पूर्व, पश्चिम र दक्षिणपाटाबाट ८४/८४ जनाको गुल्मले बढाइँ गर्थ्यो भने यस पटक सामाजिक दूरी कायम गरी २५/२५ जनामा सीमित गरिएको छ । बढाइँ कार्यक्रममा प्रमुख अतिथिका रुपमा राष्ट्रपति सहभागी हुने परम्परा छ ।

विगतको जस्तो धेरै कार्यक्रम नगरी छोटो बढाइँ र टुकडीले सैनिक व्याण्ड प्रदर्शन गर्ने कार्यक्रम रहेको सेनाले जनाएको छ । विगतमा सेनाबाहेक एक हजार २०० को संखयामा विभिन्न क्षेत्रका महानुभावलाई आमन्त्रण गर्ने गरिएकामा यस पटक सेनासहित पाहुनाको संखया १०० जनामा सीमित तुल्याइने छ ।

अघिल्ला वर्षमा सेनानीसम्मलाई सपरिवार बढाइँ कार्यक्रममा सहभागिताका लागि उर्दी हुने गरेकामा स्वास्थ्य मापदण्डका कारण यस वर्ष सहायकरथी दर्जासम्मलाई एक्लै आउने व्यवस्था गर्न लागिएको सैनिक प्रवक्ता पौडेलले बताउ ।

उपस्थित हुने स्थानमा पञ्जा र स्यानिटाइजरको प्रयोग अनिवार्य गरिएको छ ।